Ang pangalan ng Barangay Santisima Trinidad ay hinango sa pangalan ng patron – TATLONG PERSONA ng SANTISIMA TRINIDAD na ayon sa kasaysayan, dahil sa ito ang lugar kung saan natagpuan ng isang magsasaka ang nasabing patron na ayon sa mga kwento na nakailang saling lahi na at hanggang sa ngayon ito ay pinaniniwalaang milagroso at bilang pagkilala sa nasabing patron, isang bisita ang tinayo sa eksaktong lugar kung saan ito ay natagpuan na hanggang sa nayon ay matatagpuan pa rin ang bisita at ang pangalan nga ng Barangay ay inalinsunod na sa kanya. Ang barangay Santisima Trinidad.

Naging pangalan din ng bawat kalye ang mga naging tinyente del baryo at sa katagalan ito ay tinawag na Kalye ng Mabini hanggang sa kasalukuyan. Ang barangay Stma. Trinidad ay nagging Most Friendly Barangay 2000 sa Malolos at 2nd Runner up sa Bulacan panahon ng panunungkulan ni Kapitan Levi Valerio. Noong 2011 nanano naman bilang Bb. Malolos si Czarina Christelle Alyannah Celis. Ang pagkakaiba ng barangay Santisima Trinidad sa iabng barangay ay bukas ito araw-araw at dinarayo ang mga okasyon dito. Ang barangay Santisima Trinidad ay may kabuung sukat na humigit kumulang 159,543.95 metro kuwadrado o 112-115 hektarya at may layong limang (5) kilometro bukat sa kabisera/kabayanan ng Malolos.

Ito ay may lokasyong Pangheyograpiya, sa hilagang bahagi ay Brgy. Lugam, sa Timog ay Brgy. Sumapa, sa Silangan naman ayBrgy. Pinagbakahan at Brgy. Barihan sa Kanluran. Ang klima ay nahahati sa dalawang panahon, ang tag-ulan na kadalasan na dumadating sa huling Linggo ng buwan ng Mayo hanggang Nobyembre at ang ang natitirang buwan ng Disyembre at ang unang Linggo ng mayo ang panahon ng tag-araw. Ang Barangay Santisima Trinidad ay may (2) dalawang selebrasyon ng kapistahan: Pistang maliit at Pistang Malaki, ito ay dinarayo ng maraming tao na taga iba’t-ibang lugar, marami ang nagtitinda ng iba’t-iabang paninda tuwing Pista. Patunay ito na nakakadagdag ng Turismo at tumataas ang ekonomiya ng barangay Santisima Trinidad. Natatangi ang Barangay Stma. Trinidad sa buong Lungsod ng Malolos, sa tuwing sasapit ang Mahal na Araw, na talagang dinarayo ng mga deboto at mga nananampalataya sa bisita ng Stma. Trinidad kung saan ay nagkakaroon ditto ng pabasa ng Pasyon kapag Mahal na Araw at may mga deboto rin na pinappako sa Krus, at ang bilang ng pinitensya ay di bababa sa 100 katao.